«Drissg Jahr Harry!»

Me gloubt’s chum aber drissg Jahr si’s scho

Dass der Harry im Drüenünzg zu üs isch cho

Sit denn het är hie d’s Kässeli im Griff

Uf Kurs isch sit denn d’s Zimmermaa-Schiff

******

Rächnigslegig, Haben-Konti, Kreditore

Swiss GAAP FER und Debitore

Fählerhafti Rächnige sueche

Aus korrekt und suber buche

******

Bi aune Abschlüss vor Zimmermaa-Gruppe

Da fingt kei Revisor es Haar i der Suppe

Em Harry si-re Rächnig chasch vertroue

Zimmermaa’s chöi ruehig witerboue

******

Vor zwöi Jahr isch är is Landhuus cho

Het - so näbebi – d’Finanze o dert übernoh

Und d’Froue überschüttene mit LobKes Wunder

isch är hie der Hahn im Chorb

Wenn d’Stifte uf em Tisch im gliche Abstand si

Wenn Mäppli, Hefter mm-gnau abgleit si

Wenn merksch, da isch tüpflignau aues glich

De weisch: Das isch ganz klar em Harry sis Riich

******

E Cämper het är sech chürzlech kouft

Nit e chline, nei eine wo de louft

Mit däm wott är itz Europa entdecke

Wott mitem mänge Troum is sech wecke

******

Dert drin het aues siner Ornig

Es isch si nöi zwöiti Wonig

Ja u wie chönnts de o anders si

Wie si Schribtisch geseht dä Camper dri

******

Zimmermaa ohni Harry – nit vorsteubar

Mir fröie-n-is uf die nächschte zwänzig Jahr

Üses Finanz-Gwüsse bisch Du sit dere Zyt

Aus Guete Harry – üse Wäg göng zäme no wyt

Peter Ducommun